يمكن اموت وصادق العلـم ياتيك
هذا الاكيد ان كان فكـرت بفـراق
(كل الغلا ) ياجعل ربـي يخليـك
لنه بلاك الحـال مايـوم تنطـاق
كف الزعل لاتقتل احـلام مغليـك
واعمر جسور الوصل لعيون مشتاق
تدري محال احد بحبـك يوازيـك
واعلم بلاك الموت للروح ينسـاق
(كل الغلا ) جيتك محبه وبارجيـك
تقبل اسف من حرّقه حر الاشـواق
وتمد لي يمنـاك يـاروح غاليـك
ننسى الزعل ونبدل الليل باشـراق
الكل مخطي والسموحـه مباديـك
والكل يزعل والرضى بيننـا بـاق
هذا انـا اعظـم مهـامٍ بطاريـك
اللي رسمْك اغلا غلا حل الاعماق