مايفضح الي حب الا اخر اللحظات
لامد كفه بالوداع وصد في عيونه
معاه رايات الاسى وجيش من العبرات
وبين الحنـــــايا صهيل خيول محزونه
سلام يالي ناوي الفرقى عدد مافات
وتعداد مامر السحاب وهلت مزونه
سلام منقلب سكنته انت والحسرات
غلاي تكفى يامودع ناظري صونه
ارحل وانا برحل معي هم وتعب وسكات
واسرار مابيني وبين الروح مدفونه
ارحل مدام الله كتب لك يالحبيب شتات
مالي حكم القدر راي ولا مونه
مالي بعدك الا الصبر ومجاذب الونات
وقصيدي الي كل خلق الله يغنونه
وان طالت الغيبه ابنعي الحب لومامات
عسى الهوى بك يشتعل وتردك ظنونه
بحاول انسى لويصيح الشوق بي هيهات
وبحاول اسلى لو يصيح القلب ماخونه